Genesis 37
Joseph’ Mangte
1Canaan gam, a pa omnasa leitangah Jacob teng hi. 2 Hih in Jacob khangsutna ahi hi: Kum sawm le sagih a pha pan pasalno Joseph in a pa’ zi Zilpah’ tapa le Bilhah’ tapate, a sanggamte tawh tuuhon a cing uh hi; amah in a pa tungah amaute a sia in gen hi. a 3 Israel in a tapa dangte sangin Joseph itzaw hi, bang hang hiam cih leh a tek nunga a neih hi a; ama ading a kizem puantualpi ▼▼37.3 Hih kammal pen Hebrew ah kician lo hi; tg. 23 le 32 zong en in.
khat a khuisak hi. 4A pa un amaute khatpeuh sangin amah itzaw cih a muh uh ciangin a sanggamte in amah mudah uh a, kamkhumin a hopih kei uh hi. 5 Joseph in mang khat mana, a sanggamte kiangah a gen ciangin amaute in amah mudah semsem uh hi. 6Amah in amaute kiangah, “Ka mang na ngai dih un: 7i vekin lo sung khatah buhtu i lomhen hi. Tua ciangin thakhatin kei aa thoto a tangtakin a kitung hi. Tua laitakin no buhlomte kei aa kimkot-ah kikhawm uh a, kei buhlom lamah a kun uh hi,” ci hi. c 8 A sanggamte in ama kiangah, “Ko tungah hong uk sawm na hi hiam? Nang, kote hong uk takpi ding na hi hiam?” ci uh hi. Amaute in a mang hang le a gensate hangin amah mudah zaw semsem uh hi. 9 Tua ciangin mang dang khat manin, a sanggamte kiangah gen a, “Ngai dih un, mang dang khat ka man hi, tu-a penin ni, kha le aksi sawm le khatte kei lamah kun uh hi,” ci hi. d 10 A sanggamte kianga a gen bangin a pa kiangah a gen ciangin a pa in tai a, “Hih na mangmat bang ahi hiam? Na nu le kei le na sanggamte hong pai-in na mai-ah hong kun ding ka hi uh hiam?” ci hi. 11A sanggamte in amah haza uh a, ahi hangin a pa in tua thu a lungsim ah ciamteh hi. e A Sanggamte in Joseph Zuak
12 Tu-in a pa uh tuuhonte cing dingin a sanggamte Shechem gei-ah kuan khin uh hi. 13Israel in Joseph kiangah, “Na theihsa bangin na sanggamte in Shechem gei-ah tuuhonte cing uh hi. Hong pai dih in amaute kiangah kong sawl ding hi,” ci hi. Amah in, “Hoih mahmah hi,” ci-in dawng hi. 14 Tua ciangin amah in, “Pai in; na sanggamte le tuuhonte a dam uh hiam va en inla, thu hong zasak in,” ci hi. Tua ciangin Hebron kuam panin amah a sawlkhia hi. Shechem ah Joseph a tun ciangin, 15amah gamlakah a pai kawikawi mi khatin mu a, “Bang zong na hi hiam?” ci-in a dong hi. 16 Amah in, “Ka sanggamte zong ka hi hi, a tuuhonte uh koi lai-ah cing uh hiam, nong gen thei diam?” ci-in dong hi. 17 Mipa in, “Amaute hih lai pan kikhinkhia zo uh hi. Amaute in, ‘Dothan ah pai ni,’ a cih uh ka za hi,” ci-in dawng hi. Tua ahi ciangin Joseph in a sanggamte nung zui-a, Dothan kiangah amaute mu hi. 18Ahi hangin amaute in a gamlapi panin na mu uh a, amau kiang a tun ma-in a mah thah a na sawm khol uh hi. f 19 Amaute in, “Mang manpa hih lai-ah hong pai hi. 20Tu-in hong pai un thatin hih tuidumte sung khatah pai-in, ‘Gamsa gilo khat in amah nawmvalh hi,’ ci ni. Tua ciangin a mangte bang hong ci hiam en dih ni,” kici uh hi. g 21 Reuben in hih thu a zak ciangin amaute khut panin amah a suahtak zawh nading a hanciam hi. Amah in, “A nuntakna laksak liang kei ni, 22a sisan them zong luangsak kei un. Hih sehnel-gam tuidum sungah lawn un. Ahi hangin ama tungah khut khat zong nga kei un,” a ci hi. Reuben in amah suahtak-a a pa kianga a ciahpih theih nadingin hih banga a cih ahi hi. h 23 A sanggamte kiangah Joseph a tun ciangin hoihtaka kizem a puantualpi bansau suahkhiatsak uh a, 24kai in tuidum sungah a khia uh hi. Tuidum a hawm hi a, a sungah tui a om kei hi. i 25 Amaute an ne dingin a tut laitakun a khuadak uh leh Gilead pana pai Ishmael khualzinte a mu uh hi. A kala-ohte un singnamtui, lingsi le paknamtui kha pua hi a, Egypt a puaksuk dinga pai uh ahi hi. 26 Judah in a sanggamte kiangah, “I sanggampa that-a, a sisan i phualsel hangin bang lemlawh ding i hi hiam? 27Hong pai un, Ishmael-te zuakin ama tungah i khut nga dah ni; tua banah amah i sanggampa ei si ei sa mah ahi hi,” ci hi. A sanggamte a thukim uh hi. j 28 Tua ciangin Midian sumbukte in va nawk uh a, a sanggamte in tuidum sung panin Joseph kaikhia in, Ishmael-te tungah ngun shekel ▼▼37.28 Tua pen once 8 bang (kilogram 0.2 bang)
sawm nih in zuak uh a amaute in Egypt ah paipih uh hi. l 29 Tuidum ah Reuben a va pai kik leh tua lai-ah Joseph a om loh lam mu-a, a puante balkek hi. 30A sanggamte kiangah pai kika, “Naupangpa tua lai-ah a om nawn kei hi. Koi lam nga ding ka hi hiam?” ci hi. m 31 Tua ciangin Joseph puantualpi la-in, keel khat ngawng-at uh a, a sisan lakah puantualpi diah uh hi. 32Amaute in a kizem a puantualpi a pa kiangah puak uh a, “Hih ka mu uh hi. Na tapa puantualpi hi hiam, hi lo hiam vel dih in,” ci uh hi. 33 Amah in theipah a, “Ka tapa puantualpi himah ei! Ganhing gilote in amah valhtum khin hi. Joseph kibalnen khin taktak hi,” ci hi. 34 Tua ciangin Jacob in a puansilh lai balkek-a, ippi puan silhin a tapa hangin ni tampi a thum hi. 35A tanu a tapate khempeuh amah hehnem dingin va pai uh a, ahi hangin a hehnem ding uh nial hi. “Hi lo hi, ka thum kawmkawmin han ▼▼37.35 Hebrew ah Sheol
lam zuanin ka tapa kiang ka pai ding hi,” a ci hi. Tua bangin a tapa hangin a pa a kap hi. 36 Midian-te ▼▼37.36 Samaritan, Pentateuch, Septuagint, Vulgate le Syraic (tg.28 zong en in); Masoretic bute ah Medan mite
in, tua hun laitaka Egypt a Pharaoh uliante laka khat, inncing mangpa Potiphar tungah Joseph zuak uh hi. p
Copyright information for
ZomZIV